უკრაინის პრეზიდენტმა ვოლოდიმირ ზელენსკიმ სამშვიდობო დარეგულირების საკითხზე უკრაინის დელეგაციის ხელმძღვანელად ეროვნული უსაფრთხოების საბჭოს მდივანი რუსტემ უმეროვი დანიშნა. ამის შესახებ vm.ru იუწყება.

უკრაინის პრეზიდენტის საიტზე გამოქვეყნებულ ბრძანებულებაში წერია, რომ უმეროვი აშშ-სთან, სხვა საერთაშორისო პარტნიორებთან და რუსეთის წარმომადგენლებთან მოლაპარაკების დროს უკრაინის დელეგაციას უხელმძღვანელებს. იგეგმება „სამართლიანი და მდგრადი“ მშვიდობის პირობების განხილვა.

28 ნოემბერს გავრცელდა ინფორმაცია, რომ ვოლოდიმირ ზელენსკიმ თანამდებობიდან მისი ოფისის უფროსი ანდრეი ერმაკი გაათავისუფლა. ამის შემდეგ ერმაკმა განაცხადა, რომ ფრონტზე წასვლას და სამშობლოს დაცვას აპირებს.

მანამდე ერმაკის ოფისში უკრაინის ანტიკორუფციულმა ბიურომ ჩხრეკა ჩაატარა. ერმაკს „ენერგოატომის“ სკანდალთან და ბიზნესმენის, ტიმურ მინდიჩის საქმესთან შეიძლება კავშირი ჰქონდეს. ერმაკი ეჭვმიტანილია იმაში, რომ ანტიკორუფციული ბიუროს მიერ მიმდინარე გამოძიების დროს ამ ორგანოზე ზეწოლის მოხდენას ცდილობდა.