ვიქტორ ორბანი - უკრაინა ბუფერულ სახელმწიფოდ უნდა დარჩეს
უნგრეთის პრემიერ-მინისტრმა ვიქტორ ორბანმა გერმანულ გაზეთ Welt am Sonntag-თან ინტერვიუში თქვა, რომ ომის დასრულების შემდეგ, უკრაინა ბუფერულ სახელმწიფოდ უნდა დარჩეს.
ორბანის განცხადებით, ერთადერთი შესაძლო გრძელვადიანი გამოსავალი მდგომარეობს იმაში, რომ ომის შემდგომი წესრიგი დაფუძნებული იყოს ფუნდამენტურ პრინციპზე, რომლის მიხედვითაც უკრაინა კვლავ გახდება ბუფერული სახელმწიფო, როგორიც ის ოდესღაც იყო.
ამავდროულად, ორბანს გარდაუვალად მიაჩნია უკრაინის მხრიდან ტერიტორიული დათმობები.
„რუსეთი შეინარჩუნებს იმ ტერიტორიას, რომელიც შეთანხმდება საერთაშორისო სამშვიდობო კონფერენციაზე, ხოლო ყველაფერი, რაც ამ ხაზის დასავლეთით მდებარეობს - ნატოს აღმოსავლეთ საზღვრამდე - შექმნის უკრაინის სახელმწიფოს ტერიტორიას, რომელიც კვლავ იარსებებს, როგორც ბუფერული სახელმწიფო“, - დასძინა ვიქტორ ორბანმა.
