აშშ-ის პრეზიდენტმა დონალდ ტრამპმა განაცხადა, რომ აპირებს შეიწყალოს ჰონდურასის ყოფილი პრეზიდენტი ხუან ორლანდო ერნანდესი, რომელიც ნარკოტიკებით ვაჭრობის ბრალდებით დააკავეს. ამის შესახებ Financial Times-ი წერს. 

როგორც დონალდ ტრამპმა აღნიშნა, ბევრმა ადამიანმა, ვისაც ის ძალიან დიდ პატივს სცემს, უთხრა, მას რომ ერნანდესს „ძალიან სასტიკად და უსამართლოდ მოეპყრნენ“.

„მე სრულად შევიწყალებ ჰონდურასის ყოფილ პრეზიდენტ ხუან ორლანდო ერნანდესს, რომელსაც ჩემი სანდო ადამიანების თქმით, უსამართლოდ მოექცნენ“, - წერს ტრამპი Truth Social-ზე. 

ერნანდესი ჰონდურასის პრეზიდენტის თანამდებობას ზედიზედ ორი ვადით, 2014 წლიდან 2022 წლამდე იკავებდა.

ის დააკავეს, მას შემდეგ რაც მან პრეზიდენტის თანამდებობა დატოვა.

2024 წელს ნიუ-იორკის ფედერალურმა სასამართლომ ერნანდესი აშშ-ის ტერიტორიაზე 400 ტონაზე მეტი კოკაინის შეტანის ხელშეწყობის გამო დამნაშავედ ცნო. 

ყოფილ პოლიტიკოსს 45 წლით თავისუფლების აღკვეთა მიესაჯა.

ანალიტიკოსები აღნიშნავენ, რომ შეწყალების შესახებ გადაწყვეტილება მკვეთრად ეწინააღმდეგება ტრამპის ოფიციალურ რიტორიკას, რომელიც ნარკოტიკების კონტრაბანდის წინააღმდეგ ბრძოლას ეხება.