სიბიგა: პუტინის განცხადებები იმაზე მიუთითებს, რომ მას ომის დასრულების გეგმები არ აქვს
უკრაინის საგარეო საქმეთა მინისტრმა ანდრეი სიბიგამ განაცხადა, რომ ვლადიმერ პუტინს ომის დასრულების გეგმები არ აქვს.
მან მოუწოდა პარტნიორებს, გააძლიერონ ზეწოლა რუსეთზე ომის დასრულების მიზნით.
საგარეო საქმეთა მინისტრმა განაცხადა, რომ „პუტინი უკვე მეორე დღეა აკეთებს განცხადებებს, რომლებიც მიუთითებს, რომ ის ომის დასრულებას არ გეგმავს“.
„გუშინ მან განაცხადა, რომ მზად იყო მთელი ზამთარი ებრძოლა. დღეს ის ემუქრება საზღვაო პორტებს. ეს მუქარები, პირველ რიგში, ოდესისკენაა მიმართულია, რომელზეც პრეზიდენტი ტრამპი დიდი სითბოთი საუბრობდა“, - დასძინა მან.
სიბიგამ აღნიშნა, რომ უკრაინა მხარს უჭერს აშშ-ის სამშვიდობო ძალისხმევას, თანამშრომლობს მათთან და ევროპელ პარტნიორებთან ამ ომში სამართლიანი მშვიდობის მისაღწევად.
„ახლა დადგა დრო, რომ მოსკოვში ომის წყარო აიძულოთ, რომ ის დაასრულოს“, - დასძინა უკრაინელმა მინისტრმა.
