1764447919
უცხოეთი
საფრანგეთის ულტრამემარჯვენე პარტიის ლიდერს ჯორდან ბარდელას ამომრჩევლებთან შეხვედრის დროს კვერცხები ესროლეს
საფრანგეთის ულტრამემარჯვენე პარტიის, „ნაციონალური გაერთიანების“ ლიდერს ჯორდან ბარდელას ამომრჩევლებთან შეხვედრის დროს კვერცხები ესროლეს.
როგორც BFMTV-ი იტყობინება, თავდამსხმელი ადგილზე დააკავეს.
ინციდენტი ქვეყნის სამხრეთით, ტულუზასთან ახლოს, ქალაქ მუასაკში, ჯორდან ბარდელას წიგნის „რა უნდათ ფრანგებს“ პრეზენტაციის აღსანიშნავად გამართული ცერემონიის დროს მოხდა.
ღონისძიება დაახლოებით 14:00 საათზე დაიწყო. მიმდებარე ტერიტორიაზე კონტრდემონსტრაცია გაიმართა.
წინასწარი ინფორმაციით, კვერცხი 74 წლის კაცმა ისროლა, რომელიც ავტოგრაფის რიგში იდგა და ბარდელასთან მიახლოებას ცდილობდა.
ბარდელას გარემოცვა აცხადებს, რომ პოლიტიკოსი თავს კარგად გრძნობს.
უცნობია, იყო თუ არა თავდამსხმელი კონტრდემონსტრაციის მონაწილე.
