ეროვნული უშიშროებისა და თავდაცვის საბჭოს მდივნის რუსტემ უმეროვის განცხადებით, უკრაინის დელეგაცია უკვე გაემგზავრა შეერთებულ შტატებში, რათა მუშაობა გააგრძელოს სამართლიანი და მდგრადი მშვიდობის მისაღწევად.

როგორც უმეროვი პლატფორმა X-ზე წერს, დღეს დილით დაუკავშირდა პრეზიდენტ ვოლოდიმირ ზელენსკის და მიაწოდა ინფორმაცია „მოსამზადებელი სამუშაოების მდგომარეობის, ძირითადი პოზიციებისა და მოლაპარაკებების შემდეგი ეტაპის მოსალოდნელი შედეგების შესახებ“.

„უკრაინა აგრძელებს სისტემატურ და კონსტრუქციულ დიპლომატიურ მუშაობას ღირსეული მშვიდობისთვის“, - ხაზგასმით აღნიშნა უმეროვმა.

თავის მხრივ, ზელენსკიმ აღნიშნა, რომ რომ მან უმეროვს „მკაფიო დავალება“ მისცა: „დროულად და შინაარსიანად მოემზადებინა ომის დასრულების ნაბიჯების განსაზღვრა“. 

„უკრაინა აგრძელებს კონსტრუქციულ თანამშრომლობას ამერიკასთან და ჩვენ ველით, რომ ჟენევის შეხვედრების შედეგები შეერთებულ შტატებში დასრულდება. მოუთმენლად ველი ჩვენი დელეგაციის ანგარიშს მათი მუშაობის შედეგების შესახებ, რომელიც ამ კვირას გაიმართება. უკრაინა ღირსეული მშვიდობისთვის მუშაობს“, - აღნიშნა ზელენსკიმ. 

ინფორმაციისთვის, უკრაინის პრეზიდენტმა ვოლოდიმირ ზელენსკიმ სამშვიდობო დარეგულირების საკითხზე უკრაინის დელეგაციის ხელმძღვანელად ეროვნული უსაფრთხოების საბჭოს მდივანი რუსტემ უმეროვი დანიშნა.

უკრაინის პრეზიდენტის საიტზე გამოქვეყნებულ ბრძანებულებაში წერია, რომ უმეროვი აშშ-სთან, სხვა საერთაშორისო პარტნიორებთან და რუსეთის წარმომადგენლებთან მოლაპარაკების დროს უკრაინის დელეგაციას უხელმძღვანელებს. იგეგმება „სამართლიანი და მდგრადი“ მშვიდობის პირობების განხილვა.