რუსეთის ორენბურგის ოლქში გაშვებისას სტრატეგიული ბალისტიკური რაკეტა  აფეთქდა. ამის შესახებ Deutche Welle იუწყება.

ინციდენტი ქალაქ იასნის მახლობლად, სტრატეგიული სარაკეტო ძალების ბაზაზე მოხდა. ინციდენტის ამსახველი კადრები ქალაქის მოსახლეობამ გადაიღო. ასევე მათ დაწერეს, რომ იასნიში კვამლის სუნი იდგა და ადამიანებს სუნთქვის პრობლემები აღენიშნებოდათ.

კოსმოდრომი „იასნი“ ქალაქ ორსკიდან დაახლოებით 50 კმ-ში მდებარეობს. იქ სარაკეტო კომპლექსის, „ავანგარდის“ გამოცდები ტარდებოდა, რომელსაც, რუსეთის ხელისუფლების წარმომადგენელთა განცხადებით, მანევრირება შეუძლია და მისი ჩამოგდება პრაქტიკულად გამორიცხულია.

ექსპერტები ვარაუდობენ, რომ იასნის სარაკეტო ბაზიდან, შესაძლოა, „ვოევოდას“ ან „სარმატის“ ტიპის რაკეტის გაშვება მოხდა. როგორც ანალიტიკოსმა, გიორგი ტრიშკინმა განაცხადა, იასამნის კვამლი, რომელიც აფეთქებისას ჩანს, ძალზე ტოქსიკურია.

MilitaryRussia იუწყება, რომ 2024 წელს „სარმატის“ ტიპის რაკეტა არხანგელსკის ოლქში მდებარე კოსმოდრომ „პლეცესკზე“ აფეთქდა. ამის შემდეგ ამ რაკეტის წვრთნები სხვა კოსმოდრომებზე გადაიტანეს.