რუსეთმა 2026 წლის ფედერალური ბიუჯეტი დაამტკიცა.

უკრაინული მედია The Moscow Times-ზე დაყრდნობით წერს, რომ ბოლო ორი კვირის განმავლობაში დოკუმენტი პარლამენტის ორივე პალატამ განიხილა და ახლა მას რუსეთის პრეზიდენტმა ვლადიმერ პუტინმა მოაწერა ხელი.

დოკუმენტის თანახმად, კრემლი მომავალ წელს 40.27 ტრილიონი რუბლის (518.9 მილიარდი დოლარი) შემოსავლის მიღებას ელოდება, ხოლო ხარჯები შეადგენს 44,06 ტრილიონ რუბლს. (567,8 მილიარდი დოლარი) შედეგად მიღებული დეფიციტი ქვეყნის მთლიანი მშპ-ს დაახლოებით 1.6%-ს შეადგენს. 

რუსეთი უკრაინასთან ომზე რეკორდული თანხების დახარჯვას გეგმავს. ბიუჯეტის თითქმის 30% სამხედრო ხარჯებს მოხმარდება, მათ შორის იარაღის შესყიდვას.

როგორც The Moscow Times-ი აღნიშნავს, ეს საბჭოთა ეპოქის შემდეგ ყველაზე მაღალი სამხედრო ხარჯია.

„ბუნებრივია, სამხედრო ხარჯების ზრდა მხოლოდ სხვა ხარჯების წილის შემცირებით არის შესაძლებელი. მაგალითად, რუსეთის ბიუჯეტში სოციალური ხარჯების წილი 38%-დან 25%-მდე შემცირდა. ეკონომიკურ მხარდაჭერაზე დანახარჯები 17.6%-დან 10.9%-მდე შემცირდა. ორივე შემთხვევაში ეს ყველაზე დაბალი მაჩვენებლებია ბოლო 20 წლის განმავლობაში“, - წერს მედიასაშუალება.