1764438936
უცხოეთი
მაკრონი და ზელენსკი 1-ელ დეკემბერს ერთმანეთს შეხვდებიან
საფრანგეთის პრეზიდენტი ემანუელ მაკრონი პარიზში 1-ელ დეკემბერს უკრაინის პრეზიდენტ ვოლოდიმირ ზელენსკის შეხვდება, - აღნიშნულის შესახებ AFP-ი ელისეის სასახლის პრესმდივანზე დაყრდნობით იტყობინება.
ამავე ინფორმაციით, შეხვედრაზე ლიდერები განიხილავენ „სამართლიანი და მდგრადი მშვიდობის პირობებს“.
მანამდე კი, გავრცელდა ინფორმაცია, რომლის თანახმადაც უკრაინის დელეგაცია მოლაპარაკებების გასამართად შეერთებულ შტატებში გაემგზავრა.
ვოლოდიმირ ზელენსკიმ დელეგაციის ხელმძღვანელად უკრაინის ეროვნული უშიშროებისა და თავდაცვის საბჭოს მდივანი რუსტემ უმეროვი დანიშნა.
როგორც Bloomberg იტყობინება, უკრაინელი ოფიციალური პირები ფლორიდაში შეხვდებიან აშშ-ის პრეზიდენტის სპეციალურ წარმომადგენლებს სტივ უიტკოფს და ჯარედ კუშნერს.
