1764434320
უცხოეთი
მაია სანდუ აცხადებს, რომ რუსეთის დრონებმა კვლავ დაარღვიეს მოლდოვის საჰაერო სივრცე
მოლდოვის პრეზიდენტმა მაია სანდუმ დაგმო რუსეთის მიერ უკრაინაზე 29 ნოემბრის ღამეს განხორციელებული საჰაერო იერი და აღნიშნა, რომ ეს აშკარად არ მიუთითებს მზადყოფნას, რომ მოსკოვმა ომი დაასრულოს.
ამასთან, სანდუმ აღნიშნა, რომ რუსეთის დრონებმა კვლავ დაარღვიეს მოლდოვის საჰაერო სივრცე.
„სასტიკი 10-საათიანი თავდასხმა უკრაინაზე. ეს არაა დიპლომატიის ენა, არც ქვეყნის, რომელიც სამშვიდობო მოლაპარაკებებს იბრალებს.
სამოქალაქო პირების დახოცვის გზაზე რუსულმა დრონებმა კვლავ დაარღვიეს მოლდოვის საჰაერო სივრცე, რამაც მისი დროებითი დახურვა გამოიწვია. ვგმობთ ამ თავდასხმებს და გვერდში ვუდგავართ უკრაინას“, - წერს სანდუ პლატფორმა X-ზე.
