1764412658
უცხოეთი
კიევზე საჰაერო იერიშს მსხვერპლი მოჰყვა
რუსულმა ძალებმა კიევზე კომბინირებული საჰაერო იერიში განახორციელეს. გამოყენებული იუო უპილოტო საფრენი აპარატები და რაკეტები. წინასწარი ინფორმაციით, დაიღუპა 2 ადამიანი, დაშავებულია 13. კიევის ბევრ რაიონში სახლებს ცეცხლი გაუჩნდა. ინფორმაციას „რბკ უკრაინა“ ავრცელებს.
დრონების ნამსხვრევების ჩამოვარდნის გამო ხანძარი გაჩნდა დარნიცკის, დნეპრის, შევჩენკოს, სოლომენსკის და სვიატოშინსკის რაიონებში.
ამ დროისთვის მაშველებმა ცეცხლი ჩააქრეს და ნანგრევებში გადარჩენილებს და დაღუპულებს ეძებენ.
ამავე წყაროს ცნობით, 28-29 ნოემბერს, ღამით, უკრაინის ჰაერსაწინააღმდეგო საშუალებებმა 577 საჰაერო მიზნის განადგურება შეძლეს. უკრაინის გენშტაბის ცნობით, რუსულმა ძალებმა მოიერიშე დრონები, ბალისტიკური და ფრთოსანი რაკეტები, ასევე იმიტატორი დრონები გამოიყენეს.
