ყახაზეთის ენერგეტიკის სამინისტრომ ნოვოროსიისკში, კასპიის მილსადენის კონსორციუმის ნავთობის ტერმინალზე უკრაინული საზღვაო დრონების იერიში კატეგორიულად დაგმო. ამის შესახებ Nexta Live იუწყება.

ასტანამ შეტევას მიუღებელი უწოდა და აღნიშნა, რომ საუბარია სამოქალაქო ინფრასტრუქტურაზე, რომელიც მსოფლიო ეკონომიკისთვის კრიტიკულად მნიშვნელოვანია.

ყაზახეთის ენერგეტიკის სამინისტროში განაცხადეს, რომ ეს მილსადენი საერთაშორისო პროექტია და მისი გავლით საზღვარგარეთ ყაზახური ნავთობის უდიდესი ნაწილის ექსპორტირება ხდება. ასეთ ობიექტებზე შეტევები პროექტის ყველა მონაწილის ეკონომიკას ურტყამს, მათ შორის პრობლემები ექმნება თავად ყაზახეთს.

ახლა ყაზახეთი სასწრაფოდ ცდილობს სარეზერვო მარშრუტების ამოქმედებას, რათა მსხვილ საბადოებზე ნავთობის მოპოვება არ შეწყდეს.

ცნობისთვის, 28-29 ნოემბერს, ღამით, უკრაინულმა საზღვაო დრონებმა რუსეთის ქალაქ ნოვოროსიისკში მდებარე კასპიის მილსადენის კონსორციუმის ნავთობის ტერმინალზე იერიში განახორციელეს. 

ერთ-ერთი ნავსაბელი მწყობრიდან გამოვიდა. კასპიის მილსადენის კონსორციუმში შეტევას „ტერორისტული თავდასხმა“ უწოდეს.

შეტევის დროს ნავთობის ჩატვირთვის ყველა ოპერაცია შეჩერებული იყო, ხოლო ტანკერები პორტის მიღმა გაიყვანეს.