ისრაელ კაცი აცხადებს, რომ ისრაელი მზადაა „დიდი ძალით“ უპასუხოს ირანს თავდასხმის შემთხვევაში
თავდაცვის მინისტრი ისრაელ კაცი აცხადებს, რომ ისრაელის თავდაცვის ძალები მზად არიან „დიდი ძალით“ უპასუხონ ირანს თავდასხმის განხორციელების შემთხვევაში.
ისრაელის თავდაცვის მინისტრი აღნიშნავს, რომ ისრაელის ძალები მზად არიან ირანის შესაძლო თავდასხმისთვის ებრაული მაღალი დღესასწაულების პერიოდში, რომელიც სექტემბრის შუა რიცხვებში იწყება.
„ამჟამად, ისინი მთელ რეგიონში გვესხმიან თავს, ჩვენს გარდა. თუმცა არსებობს შესაძლებლობა, რომ ისინი ჩვენც დაგვესხან თავს. თავდაცვითი თვალსაზრისით ამისთვის მზად ვართ“, - განაცხადა მან ისრაელის გამოცემა Ynet-ისა და გაზეთ Yedioth Ahronoth-ის მიერ ორგანიზებულ კონფერენციაზე.
კაცის თქმით, თუ ირანი ისრაელს თავს დაესხმება, ისრაელი „დიდი ძალით, დამოუკიდებლად“ უპასუხებს.
„ჩვენი თვითმფრინავები მზად არიან ასაფრენად“, - დასძინა ისრაელის თავდაცვის მინისტრმა.
