1764668822
უცხოეთი
გერმანიის საგარეო საქმეთა მინისტრი: უკრაინას, შესაძლოა, მტკივნეულ დათმობებზე მოუწიოს წასვლა
გერმანიის საგარეო საქმეთა მინისტრი იოჰან ვადეფული მიიჩნევს, რომ უკრაინა, შესაძლოა, იძულებული გახდეს მტკივნეულ დათმობებზე წავიდეს, ამის შესახებ მან გამოცემა Neue Osnabrücker Zeitung-თან ინტერვიუში განაცხადა.
„ეს უკრაინისთვის უდავოდ უკიდურესად რთული პროცესი იქნება, რომელიც შეიძლება რეფერენდუმით დასრულდეს“, - განაცხადა ვადეფულმა.
მისივე თქმით, შემდეგ კი უკრაინის მოქალაქეებს მოუწევთ გადაწყვიტონ, შეუძლიათ თუ არა ომის დასრულების პირობების მიღება.
„დიპლომატიის ამოცანაა – შეიმუშაოს კომპრომისები. საბოლოო ჯამში, ეს დაკავშირებული იქნება მტკივნეულ დათმობებთან“, - აცხადებს მინისტრი.
