უკრაინის საგარეო საქმეთა მინისტრის ანდრეი სიბიგას განცხადებით, უკრაინამ რთული ღამე გადაიტანა, რადგან რუსეთმა ათობით ფრთოსანი და ბალისტიკური რაკეტა, ასევე 500-ზე მეტი დრონით შეუტია საცხოვრებელ შენობებს, ელექტროქსელებსა და კრიტიკულ ინფრასტრუქტურას. 

„სანამ ყველა სამშვიდობო გეგმების პუნქტებს განიხილავს, რუსეთი აგრძელებს თავისი „საომარი გეგმის“ განხორციელებას, რომელიც ორი პუნქტისგან შედგება: მოკვლა და განადგურება“, - აცხადებს სიბიგა. 

მინისტრმა აღნიშნა, რომ კრემლის ლიდერმა ვლადიმერ პუტინმა „თავისი ტერორის თანამონაწილედ კიდევ ერთხელ გამოიყენა ვიქტორ ორბანი “.

„ამჯერად, უკრაინის დედაქალაქზე რუსეთის მასშტაბური თავდასხმა ორბანის ვიზიტსა და „მშვიდობის“ შესახებ ცარიელ სიტყვებს მოჰყვა. პუტინი უბრალოდ ასეთ პოლიტიკოსებს თავის სისხლიან სპექტაკლში მსახიობებად იყენებს“, - ხაზგასმით აღნიშნა ანდრეი სიბიგამ. 

სიბიგამ დასძინა, რომ პუტინს ომის გაგრძელება ნებისმიერ ფასად სურს. 

29 ნოემბრის ღამეს რუსეთმა უკრაინაზე კიდევ ერთი მასშტაბური კომბინირებული შეტევა განახორციელა.