2026 წლის ბიუჯეტის პროექტის საბოლოო ვერსიაში გაზრდილია კულტურისა და სპორტის სამინისტროების დაფინანსება. 

საქართველოს ფინანსთა სამინისტროს ინფორმაციით, კულტურის სამინისტროს დაფინანსება 2026 წლის ბიუჯეტის საბოლოო ვერსიაში განისაზღვრა 364,8 მლნ ლარით, საიდანაც თანხები ძირითადად მიიმართება შემდეგი პროგრამების განხორციელებაზე:

• სახელოვნებო სფეროში უმაღლესი განათლება - 23,8 მლნ ლარი;
• ინფრასტრუქტურის განვითარება - 40,0 მლნ ლარი;
• სახელოვნებო დაწესებულებების ხელშეწყობა - 8,6 მლნ ლარი;
• კულტურის განვითარების ხელშეწყობა - 188,2 მლნ ლარი;
• კულტურული მემკვიდრეობის დაცვა და სამუზეუმო სისტემის სრულყოფა - 90,6 მლნ ლარი.

სპორტის სამინისტროს დაფინანსება - შეადგენს 325,3 მლნ ლარს, საიდანაც თანხები ძირითადად მიიმართება შემდეგი პროგრამების განხორციელებაზე:

• მასობრივი და მაღალი მიღწევების სპორტის განვითარება და პოპულარიზაცია - 259,6 მლნ ლარი;
• ინფრასტრუქტურის განვითარება - 10,0 მლნ ლარი;
• სასპორტო დაწესებულებების ხელშეწყობა - 6,4 მლნ ლარი;
• სპორტის მოღვაწეთა სოციალური დაცვის ღონისძიებები - 42,0 მლნ ლარი.