2026 წლის ბიუჯეტის პროექტის საბოლოო ვერსიაში გარემოს დაცვისა და სოფლის მეურნეობის სამინისტროს დაფინანსება შეადგენს 808,2 მლნ ლარს. 2026 წლის ბიუჯეტის პროექტის საბოლოო ვერსიაში გარემოს დაცვისა და სოფლის მეურნეობის სამინისტროს დაფინანსებაზე მიიმართება 808,2 მლნ ლარი, - ამის შესახებ ინფორმაციას ფინანსთა სამინისტრო ავრცელებს. 

უწყების ცნობით, გამოყოფილი თანხის ფარგლებში გათვალისწინებულია:

• სურსათის უვნებლობა, მცენარეთა დაცვა და ეპიზოოტიური კეთილსაიმედოობა - 108,1 მლნ ლარი. რაც პროექტის წინა ვერსიასთან შედარებით გაზრდილია 31,0 მლნ ლარით;
• მევენახეობა-მეღვინეობის განვითარებაზე დამატებით გამოიყოფა 20,0 მლნ ლარი და პროგრამის დაფინანსება შეადგენს 103,3 მლნ ლარს;
• ერთიანი აგროპროექტის დაფინანსებაზე გამოყოფილია - 318,0 მლნ ლარი;
• სამელიორაციო სისტემების მოდერნიზაციისთვის გამოყოფილი თანხა შეადგენს 54,0 მლნ ლარს;
• გარემოსდაცვითი ზედამხედველობის მიმართულებაზე დამატებით გამოიყოფა 6,0 მლნ ლარი და შეადგენს 40,0 მლნ ლარს;
• დაცული ტერიტორიების სისტემის ჩამოყალიბებისა და მართვის ნაწილში ბიუჯეტი იზრდება 1,1 მლნ ლარით და განისაზღვრება 29,0 მლნ ლარით;
• სატყეო სისტემის ჩამოყალიბება და მართვა - 21,7 მლნ ლარი;
• გარემოს დაცვის სფეროში პროგნოზირების, შეფასების, პრევენციისა და მონიტორინგის დაფინანსება გაზრდილია 3,5 მლნ ლარით და შეადგენს 34,7 მლნ ლარს;
• ბირთვული და რადიაციული უსაფრთხოების დაცვა, დარიშხანშემცველი ნარჩენების ობიექტების მართვა - 4,4 მლნ ლარამდე;
• მიწის მდგრადი მართვისა და მიწათსარგებლობის მონიტორინგის სახელმწიფო პროგრამა - 8,8 მლნ ლარი;
• მყარი ნარჩენების მართვა - 26,0 მლნ ლარი.