სოხუმის საერთაშორისო აეროპორტის გახსნა 2025 წელს იგეგმება, - რუსული მედიის ინფორმაციით, ამის შესახებ ოკუპირებული აფხაზეთის ე.წ. ტურიზმის მინისტრმა, თეიმურაზ ხიშბამ განაცხადა.
„2025 წელს იგეგმება აფხაზეთის პირველი პრეზიდენტის, ვლადისლავ არძინბას სახელობის სოხუმის საერთაშორისო აეროპორტის გახსნა. დარწმუნებული ვარ, ეს გაზრდის შესაძლებლობებს ჩვენი სტუმრებისთვის, გაფართოვდება გეოგრაფიული არეალი. დანამდვილებით შემიძლია ვთქვა, რომ ტურიზმი დღეს დინამიურად ვითარდება“, - განაცხადა ხიშბამ.
მისი თქმით, იმედი აქვს აფხაზეთი ითანამშრომლებს ყველა ქვეყანასთან, რომელიც „აფხაზეთის ღირებულებებს პატივს სცემს“.
„ჩვენ ამჟამად საკმაოდ მჭიდრო კომუნიკაცია გვაქვს ბელარუსის რესპუბლიკასთან, გვაქვს უბაჟო ვაჭრობა და უვიზო რეჟიმი. ჩვენ ასევე მოუთმენლად ველით თანამშრომლობას ყაზახეთთან და სხვა ქვეყნებთან“, - თეიმურაზ ხიშბამ.
ცნობისათვის, მანამდე, აფხაზეთის ე.წ. პრეზიდენტმა, ასლან ბჟანიამ სოხუმის აეროპორტის გახსნის თარიღად 2024 წელი დაასახელა.
interpressnews.ge
22:34 / 27.09.2023
სოხუმი
17
-
26
°C
თელავი
14
-
23
°C
ბათუმი
18
-
24
°C
ქუთაისი
19
-
30
°C
თბილისი
13
-
25
°C
GBP
4.2911
RUB
3.2024
USD
3.2054
სიტყვის თავისუფლება ჩვენი უფლებაა
-
რეკლამის განსათავსებლად დაუკავშირდით კომპანია "ედ გიქს"557 31 99 55
info@adgeeks.geინფორმაცია სარეკლამო ზონების შესახებ იხილეთ აქ.
კვირის პოპულარული
კატეგორიის სხვა სიახლეები
სოხუმის დაცემიდან 30 წელი შესრულდა. ამ დღესთან დაკავშირებით გმირთა მემორიალთან შეკრება ოპოზიციის თუ რიგითი მოქალაქეების ნაწილმა წუხელ დაიწყო. მათ ქვეყნის ერთიანობისთვის დაღუპულთა ხსოვნას პატივი მიაგეს.
სამწუხაროდ, საქართველოს ხელისუფლება ვერ იშორებს თავის „ფანტომურ ტკივილებს“ და ვერ იღებს იმ გეოპოლიტიკურ რეალობას, რომელიც რეგიონში 2008 წლის აგვისტოს შემდეგ გაჩნდა, - ასე ეხმაურება ოკუპირებული ცხინვალის ე.წ. საგარეო საქმეთა სამინისტრო საქართველოს პრემიერ-მინისტრის, ირაკლი ღარიბაშვილის გამოსვლას გაერო-ს გენერალური ასამბლეის 78-ე სესიაზე.
რუსეთის პრეზიდენტი, ვლადიმერ პუტინი ოკუპირებული ცხინვალის ე.წ. "პრეზიდენტს", ალან გაგლოევს ე.წ. "რესპუბლიკის დღეს ულოცავს და აცხადებს, რომ რუსული მხარე დიდ მნიშვნელობას ანიჭებს "ქვეყნებს" შორის მეგობრული და კეთილმეზობლური ურთიერთობების განვითარებას.
რუსეთის ეკონომიკური განვითარების სამინისტრომ სოხუმის აეროპორტის მშენებლობისთვის პოტენციური ინვესტორების შესარჩევად განაცხადების მიღების დაწყების შესახებ განაცხადა. ამის შესახებ „ეხო კავკაზა“ წერს.
რუსეთის შეიარაღებული ძალების სამხრეთის სამხედრო ოლქის პრესსამსახურის ინფორმაციით, რუსმა სამხედროებმა აფხაზეთში წვრთნა ჩაატარეს, რომლის მსვლელობისას სამხედრო ობიექტებზე პირობითი მოწინააღმდეგის ტერორისტული თავდასხმის მოგერიება იქნა დამუშავებული.
ოკუპირებული აფხაზეთის ე.წ. პრეზიდენტი, ასლან ბჟანია გალის რაიონში ენგურჰესის კომპლექსის საქმიანობას გაეცნო.
ოკუპირებული აფხაზეთის დე-ფაქტო ლიდერის, ასლან ბჟანიას მტკიცებით, მეორე ფრონტის გახსნის შემთხვევაში, საქართველო ვერც ერთ ომს ვერ მოიგებს, თუმცა, „ამ მიმართულებით მცდელობები მიმდინარეობს“.
რუსეთის საოკუპაციო ძალების მიერ უკანონოდ დაკავებული კახაბერ ნათაძე და მამუკა ჩხიკვაძე თავისუფლები არიან და ცენტრალური ხელისუფლების მიერ კონტროლირებად ტერიტორიაზე იმყოფებიან. ამის შესახებ ინფორმაციას სახელმწიფო უსაფრთხოების სამსახური ავრცელებს.
რუსეთის საოკუპაციო ძალების მიერ გორის მუნიციპალიტეტის სოფელ ახალუბნის მიმდებარედ უკანონოდ დაკავებული საქართველოს მოქალაქეები თამაზ ფსიტიძე და ზურაბ პეტრიაშვილი თავისუფალი არიან და ცენტრალური ხელისუფლების მიერ კონტროლირებად ტერიტორიაზე იმყოფებიან. ამის შესახებ ინფორმაციას სახელმწიფო უსაფრთხოების სამსახური ავრცელებს.
ხელისუფლების სახელით მინდა ვთქვა და ვისაც კითხვას დაუსვამთ, აუცილებლად იგივე პასუხს მიიღებთ - კატეგორიულად მიუღებელია ისეთი ტიპის განცხადებები, რომელიც შეუთავსებელია საქართველოს ტერიტორიული მთლიანობის პრინციპთან, - ასე პასუხობს ადამიანის უფლებათა კომიტეტის თავმჯდომარე მიხეილ სარჯველაძე კითხვას, ელოდება თუ არა საგარეო უწყებისგან ოფიციალურ პოზიციას დიმიტრი მედვედევის განცხადებებთან დაკავშირებით.
