მოსკოვი თბილისს სრულმფასოვანი ურთიერთობების აღდგენას სთავაზობს და აცხადებს, რომ თავის პროვოკაციული შინაარსის მიუხედავად "ოთხოზორია-ტატუნაშვილის" სია ამ ურთიერთობის აღდგენაზე გავლენას არ მოახდენს.

"წითელი ჯვრის საერთაშორისო კომიტეტის ჩართულობით ერთი ცხედარი უკვე გადასცეს, ხოლო მეორეს გადასაცემად მიმდინარეობს მუშაობა", – აღნიშნულის შესახებ სახელმწიფო უსაფრთხოების სამსახურში განაცხადეს.

საქართველოს ოკუპირებულ ტერიტორიებზე ადამიანის უფლებებთან დაკავშირებული ვითარება კვლავ საგანგაშოა, – აღნიშნული განცხადება აშშ-ში საქართველოს ელჩმა, დავით ბაქრაძემ აშშ-ის სენატში, ევროპაში უსაფრთხოებისა და თანამშრომლობის კომისიის (ჰელსინკის კომისიის) სხდომაზე გამოსვლისას გააკეთა, სადაც რუსეთის მიერ საქართველოს ოკუპაციის შესახებ მოხსენება წარადგინა.

ვაშინგტონში, ევროპაში უსაფრთხოებისა და თანამშრომლობის კომისიაში (ჰელსინკის კომისიაში) საქართველოს საკითხზე დისკუსია მიმდინარეობს. დისკუსიის სახელწოდებაა: "საქართველოს ოკუპაცია და საერთაშორისო წესრიგის მოშლა" ჰელსინკის კომისია აშშ-ის ფედერალური მთავრობის დამოუკიდებელი სააგენტოა. ინფორმაციას "რადიო თავისუფლება" ავრცელებს.

ერთ–ერთი აფხაზური მედიასაშუალების მიერ გამოქვეყნებული სიის განხილვასა და შინაარსის შეფასებაში ვერ შევალთ, - ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა ე.წ.ხიშბა-სიგუას სიაზე საუბრისას განაცხადა.

ოკუპირებული აფხაზეთის ე.წ. ვეტერანთა კავშირმა დე ფაქტო პარლამენტს ოთხოზორია-ტატუნაშვილის სიის საპასუხოდ 26-კაციანი სია შესთავაზა, – ამის შესახებ ინფორმაციას ადგილობრივი გამოცემა "НУЖНАЯ ГАЗЕТА" ავრცელებს.

დავუშვათ მართლა შეგვეშალა და ვიღაც გარდაცვლილია, ეს უფრო მძიმე დანაშაულია, თუ ის, რომ ვინმე დამნაშავე გაგვპარვოდა? - ამის შესახებ კითხვითვე უპასუხა შინაგან საქმეთა მინისტრობის კანდიდატმა გიორგი გახარიამ პარლამენტში სამთავრობო გუნდის წარდგენისას "ევროპული საქართველოს" წევრის, სერგი კაპანაძის შეკითხვას, რომელიც "ოთხოზორია-ტატუნაშვილის" სიას და მასში გარდაცვლილი პირების საკითხს შეეხებოდა.

საქართველოს პრემიერ-მინისტრმა მამუკა ბახტაძემ პატრიოტთა ალიანსის წევრის ადა მარშანიას განცხადებას უპასუხა, რომელის ოკუპირებული ტერიტორიებისთვის არასაკმარისი ყურადღების დათმობას უკავშირდებოდა.