1734173500
რეგიონი
ძლიერმა ქარმა ბათუმში რამდენიმე მრავალბინიანი საცხოვრებელი სახლის სახურავი და მწვანე ნარგავები დააზიანა
ძლიერი ქარის შედეგად ბათუმში რამდენიმე მრავალბინიანი საცხოვრებელი სახლის სახურავი და მწვანე ნარგავები დაზიანდა, ასევე დაფიქსირდა მცირე მეწყრული პროცესები. ინფორმაციას ბათუმის მერია ავრცელებს.
მერიის ცნობით, ყველა შემთხვევაზე მიმდინარეობს შესაბამისი რეაგირება.
„მთელი ღამის განმავლობაში უწყვეტად ხორციელდებოდა და ამ დრომდე გრძელდება ზღვაში გამსვლელი არხების წმენდა. დილიდან დაიწყო შტორმის შედეგად დაბინძურებული ძველი და ახალი ბულვარის, ასევე გონიოს სანაპირო ზოლის გაწმენდითი სამუშაოები. მობილიზებულია და საგანგებო რეჟიმში მუშაობს მერიის ყველა შესაბამისი სამსახური“, - აღნიშნულია განცხადებაში.
