განათლების საერთაშორისო ცენტრი 2018-2019 სასწავლო წლისთვის საზღვარგარეთ სწავლის გაგრძელების მსურველთა განაცხადების მიღებას იწყებს - სააპლიკაციო სისტემა 25 აპრილის 14:00 საათზე გაიხსნება და 25 მაისამდე ღია იქნება. ​ 

კონკურსი სასტიპენდიო, საერთაშორისო სამაგისტრო, სადოქტორო, კვალიფიკაციის ამაღლების და სახელოვნებო აკადემიურ პროგრამებზე ცხადდება.

პროგრამები 30-მდე ქვეყანაში სწავლის საფასურის, ცხოვრებისთვის საჭირო ხარჯების ანაზღაურებას ითვალისწინებს, სახელმწიფო ბიუჯეტის და დონორების დაფინანსებით.

ცენტრის აღმასრულებელი დირექტორის, ნინო ჭელიძე აპლიკანტებს ურჩევს, განსაკუთრებული ყურადღება სამოტივაციო წერილს დაუთმონ.