შეფასებისა და გამოცდების ეროვნული ცენტრი აბიტურიენტებს მიმართავს - კიდევ ერთხელ დეტალურად გაეცნონ რეგისტრაციის ვადებს და ინსტრუქციას:

"ერთიანი ეროვნული გამოცდებისთვის ძირითადი რეგისტრაცია 30 მარტის 18:00 საათზე დასრულდება.

ვინც ვადის ამოწურვამდე არ დარეგისტრირდება, საგამოცდო კონკურსში ვერ ჩაერთვება.

რეგისტრაცია 5 მარტს გამოცხადდა.

ძირითად ეტაპზე პირადი მონაცემების შეტანა, საგამოცდო ქალაქის არჩევა და ჩასაბარებელი საგნების მითითებაა აუცილებელი.

15 მაისის 18:00 საათამდე შესაძლებელია მითითებული არჩევითი საგნის/საგნების შეცვლა ან დამატება.

საგანმანათლებლო პროგრამების ჩამონათვალში ცვლილებების შეტანა აპელაციის შედეგების გამოქვეყნებამდეა შესაძლებელი.

30 მარტის 18:00 საათზე შეწყდება რეგისტრაცია სტუდენტთა საგრანტო კონკურსის, საერთო სამაგისტრო გამოცდის და მასწავლებლის კომპეტენციის დადასტურებისთვის".