რომელი სფეროების გახსნაზე იმუშავებს მთავრობა. ნათია თურნავას განმარტება
რომელი სფეროების გახსნაზე იმუშავებს მთავრობა. ნათია თურნავას განმარტება
კატეგორიის სხვა სიახლეები
Hurun Research Institute-ს კვლევის თანახმად, მსოფლიოში მილიარდერების რაოდენობამ 3228-ს მიაღწია, რაც ახალი რეკორდი გახდა.

15 იანვრის მონაცემებით, პლანეტის უმდიდრესი ადამიანების ქონება 3,5 ტრილიონი დოლარიდან 14,7 ტრილიონამდე გაიზარდა.

მსოფლიოს უმდიდრესი ადამიანი SpaceX-ისა დაTesla-ს დამაარსებელი ილონ მასკია. მისი ქონება 197 მილიარდ დოლარად არის შეფასებული.

მეორე ადგილზეა Amazon-ის დამაარსებელი ჯეფ ბეზოსი 189 მილიარდი დოლარით, მესამე ადგილს კი 114 მილიარდი დოლარით Louis Vuitton-ის მფლობელი ბერნარ არნო იკავებს.
17:12 / 03.03.2021
საპარლამენტო ფრაქცია "ქართული ოცნების" თავმჯდომარის მოადგილემ, ბექა დავითულიანმა პარლამენტის პლენარულ სხდომაზე პანდემიით გამოწვეული ეკონომიკური კრიზისის დასაძლევად ნამოხვანჰესისა და მასზე დამოკიდებული 80 ჰესის მნიშვნელობაზე გაამახვილა ყურადღება.

"დღეს ჩემი აზრით, ყველაზე მთავარი ხაზი, ჩვენი საზოგადოებისა და ქვეყნის ინტერესების შესაბამისად, გადის პანდემიასა და პანდემიით გამოწვეულ ეკონომიკურ კრიზისზე. პანდემიის ნაწილში პირველი ეტაპი ნამდვილად ვმართეთ წარმატებით, თუმცა მეორე ეტაპზე, რაც შეეხება ვაქცინაციის ნაწილს, გვაქვს გარკვეული შეფერხებები. ეს არის ფაქტი. მართალია, გუშინ მინისტრის მოადგილემ სრულიად გასაგებად ახსნა, თუ რატომ ფერხდება ეს პროცესი, რაც ქართული მხარის პრობლემა არ არის, თუმცა პრობლემა პრობლემად რჩება და ჩვენ აბსოლუტურად ყველა გზას უნდა მივმართოთ - ფორმალურს თუ არაფორმალურს, რომ რაც შეიძლება სწრაფად მოხდეს, მით უმეტეს, რომ რისკები იზრდება შეზღუდვების მოხსნის კვალდაკვალ და პარალელურად.

რაც შეეხება ეკონომიკას, კრიზისი უკვე დაწყებულია და კიდევ უფრო მძიმე კრიზისი გველის წინ. შესაბამისად, ჩვენ გვჭირდება კრიზისის ნაწილში გარკვეული გეგმის ჩვენება და კომუნიკაცია მოსახლეობასთან, თუ როგორ ვაპირებთ, გადავარჩინოთ ეკონომიკა და მოსალოდნელ მძიმე შედეგებს გავუმკლავდეთ. ამავდროულად, გვჭირდება ინვესტიციების მოზიდვა.
14:50 / 02.03.2021
საკანონმდებლო პაკეტი, რომელიც თბილისის მერიის ავტორობით შემუშავდა და რომლის განხილვასაც მიმდინარე კვირაში პარლამენტი იწყებს ე.წ. სამშენებლო ამნისტიის კანონპროექტია, რომელიც პასუხია იმ პრობლემებზე, რაც ათიათასობით თბილისელს ათწლეულობის განმავლობაში აწუხებს. ეს არის ექსპლუატაციაში ვერ მიღებული საცხოვრებელი სახლები, სადაც ადამიანებს უწევთ ცხოვრება და აქვთ რეალური პრობლემები, მათ შორის, იმ სერვისების ვერ მიღებასთან დაკავშირებით, რასაც ბინათმესაკუთრეთა ამხანაგობის პროგრამის ფარგლებში თბილისის მერია ასი პროცენტით აფინანსებს, - ამის შესახებ გარემოს დაცვისა და ბუნებრივი რესურსების კომიტეტის თავმჯდომარემ, მაია ბითაძემ პარლამენტის პლენარულ სხდომაზე განაცხადა.

მისივე თქმით, სამწუხაროდ, 2009 წელს განხორციელებულმა გარკვეულმა დერეგულაციებმა საშუალება მისცა დეველოპერებს, რომ მშენებარე ბინებში საცხოვრებლად შეეშვათ ადამიანები და ძალიან ხშირი იყო შემთხვევები, როდესაც მშენებლობები ხორციელდებოდა მშენებლობის ნებართვის პირობების დარღვევით, მათ შორის, ექსპლუატაციაში მიუღებელ შენობებში გაყვანილი იყო ელექტრომომარაგება და უზრუნველყოფილი იყო გაზმომარაგება, რის გამოც არაერთი ტრაგიკული შემთხვევა მოხდა, მათ შორის, თბილისში და დაიღუპნენ ადამიანები.
14:36 / 02.03.2021
ინოვაციების და ტექნოლოგიების სააგენტოს თავმჯდომარე ავთანდილ კასრაძე საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის სხდომაზე წარსდგა. საკომიტეტო მოსმენა ინოვაციების ხელშემწყობი სახელმწიფო პროგრამების მიმდინარეობას ეხებოდა.

სააგენტო ინოვაციების ეკოსისტემის განვითარების ხელშეწყობის პროგრამებს ახორციელებს მთელი საქართველოს მასშტაბით და რეგიონების დაფარვა ხორციელდება ტექნოპარკებისა და ინოვაციური ცენტრების მეშვეობით. კერძოდ რეგიონალური ცენტრები წარმოდგენილია: ბათუმში, გურჯაანში, თელავში, კასპში, ზუგდიდში, რუხსა და ახმეტაში. 2021 წელს ინოვაციების ეკოსისტემის განვითარებისთვის 22 მილიონ ლარამდე დაიხარჯება და მთლიანობაში სააგენტოს პროექტები გააერთიანებს 10 000-ზე მეტ ბენეფიციარს.
11:51 / 02.03.2021
2020 წლის მეოთხე კვარტალში ამერიკულმა კომპანია Apple-მა სმარტფონების გლობალური მწარმოებლის პირველი პოზიცია დაიკავა და სამხრეთ კორეულ Samsung-ს თითქმის 18 მილიონი გაყიდული ერთეულით გაუსწრო.
16:14 / 01.03.2021
პარლამენტის საფინანსო-საბიუჯეტო კომიტეტის თავმჯდომარე ირაკლი კოვზანაძე ეროვნული ბანკის პრეზიდენტს კობა გვენეტაძეს, ვიცე-პრეზიდენტებს არჩილ მესტვირიშვილს და პაპულა ლეჟავას შეხვდა. პარლამენტში გამართულ სამუშაო შეხვედრაზე განიხილეს: პანდემიის პირობებში ქვეყნის მაკროეკონომიკური გამოწვევები, საბანკო სექტორში არსებული მდგომარეობა, ეკონომიკური ზრდის, ლარის კურსის და ინფლაციის პერსპექტივები, ასევე საფინანსო სექტორის გადახდისუნარიანობის და ლიკვიდობის საკითხები. ეროვნული ბანკის პრეზიდენტმა ირაკლი კოვზანაძეს 2020 წლის საბანკო სექტორის წინასწარი მონაცემები გააცნო.
15:23 / 01.03.2021
დარგობრივი ეკონომიკისა და ეკონომიკური პოლიტიკის კომიტეტში კომუნიკაციების კომისიაში ვაკანტურ თანამდებობებზე ასარჩევ კანდიდატებს უსმენენ. კომისიაში არსებულ ორ ვაკანტურ თანამდებობაზე ასარჩევად პრეზიდენტის მიერ ექვსი კანდიდატია წარდგენილი.

მათთვის კომიტეტს ჯერ კიდევ 8 თებერვლის სხდომაზე უნდა მოესმინა, მაგრამ იმის გამო, რომ კანდიდატთაგან ერთ-ერთი თვითიზოლაციაში იმყოფებოდა და სხვა კანდიდატებთან მიმართებაში არათანაბარ მდგომარეობაში აღმოჩნდებოდა, კომიტეტმა მოსმენის გადადების გადაწყვეტილება მიიღო.
14:08 / 01.03.2021
ეკონომიკისა და მდგრადი განვითარების მინისტრმა ნათია თურნავამ სპორტული დარბაზების მფლობელი კომპანიების წარმომადგენლებთან სამუშაო შეხვედრა გამართა. მთავრობის საკოორდინაციო საბჭოს გადაწყვეტილებით, 15 მარტიდან სპორტული დარბაზები შეძლებენ, განაახლონ ფუნქციონირება განსაზღვრული რეგულაციების დაცვით.

შეხვედრაში ასევე მონაწილეობდნენ ჯანდაცვის სამინისტროს შრომის ინსპექციის ხელმძღვანელი ბექა ფერაძე და ეკონომიკისა და მდგრადი განვითარების მინისტრის მოადგილე ირაკლი ნადარეიშვილი.

შეხვედრაზე განხილული იყო რეგულაციები, რომლებიც სპეციალურად სპორტული დარბაზებისთვის შემუშავდება, რათა მათი ფუნქციონირება იყოს მაქსიმალურად უსაფრთხო როგორც მომხმარებლებისთვის, ასევე პერსონალისთვის. რეგულაციები შემუშავდება კოვიდ-პროტოკოლების მკაცრი დაცვით და საერთაშორისო გამოცდილებიდან გამომდინარე.
13:51 / 26.02.2021
„საგადასახადო ადმინისტრაციის დიაგნოსტიკური შეფასების ინსტრუმენტის“ კვლევაში შემოსავლების სამსახურმა რვა ძირითადი მიმართულების 14 კრიტერიუმში მნიშვნელოვანი გაუმჯობესება აჩვენა.

შემოსავლების სამსახურის ინფორმაციით, 2020 წელს, საერთაშორისო სავალუტო ფონდის (IMF) მიერ „საგადასახადო ადმინისტრაციის დიაგნოსტიკური შეფასების ინსტრუმენტის“ (TADAT) გამოყენებით, ფინანსთა სამინისტროს შემოსავლების სამსახურის საქმიანობის ეფექტურობის განმეორებითი შეფასება ჩატარდა.

შეფასება მიზნად ისახავს რეფორმების განსახორციელებლად პრიორიტეტების განსაზღვრას ან/და მიღწეული შედეგების დადგენას.
12:15 / 26.02.2021
სტატისტიკის ეროვნული სამსახურის წინასწარი შეფასებით, 2021 წლის იანვარში, წინა წლის შესაბამის პერიოდთან შედარებით, რეალური მთლიანი შიდა პროდუქტის (მშპ) კლებამ 11.5 პროცენტი შეადგინა.

საქსტატის ცნობით, 2021 წლის იანვარში, წინა წლის შესაბამის პერიოდთან შედარებით, კლება შეინიშნებოდა შემდეგ საქმიანობებში: მშენებლობა, ტრანსპორტი და დასაწყობება, დამამუშავებელი მრეწველობა, განთავსების საშუალებით უზრუნველყოფა, ხელოვნება, გართობა და დასვენება, უძრავ ქონებასთან დაკავშირებული საქმიანობები, ელექტროენერგიის, აირის, ორთქლის და კონდიცირებული ჰაერის მიწოდება, საბითუმო და საცალო ვაჭრობა; ავტომობილების და მოტოციკლების რემონტი.

ზრდა დაფიქსირდა ინფორმაციისა და კომუნიკაციის, საფინანსო და სადაზღვევო საქმიანობების სფეროებში.
11:11 / 26.02.2021
კალენდარი
ორ სა ოთ ხუ პა შა კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1234
×