პრემიერ-მინისტრის და ბორელის ბრიფინგმა მთელ საზოგადოებას დაანახა, რომ ბორელი ყველაფერს აკეთებს, რათა ჩვენ მივიღოთ კანდიდატის სტატუსი და პრემიერი ყველაფერს აკეთებდა, რომ არ მიგვეღო, - ამის შესახებ „გირჩის“ დეპუტატმა, იაგო ხვიჩიამ პრემიერ-მინისტრისა და საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენლის, ევროკომისიის ვიცე-პრეზიდენტის ჯოზეფ ბორელის ერთობლივ პრესკონფერენციაზე გაკეთებული განცხადებების კომენტირებისას აღნიშნა.

ხვიჩიას თქმით, სტატუსის მიღებაზე პასუხისმგებლობა სრულად „ქართულ ოცნებას“ ეკისრება და მისი მიღება სურს ყველას, გარდა „ქართული ოცნებისა“.

„ევროპელების სურვილი, რომ რუსეთის გავლენას გადაგვარჩინო და მათი ოჯახის კარი გაგვიღონ, ცხადია, უბრალოდ, უნდათ, ჩვენ გავიგოთ, რომ ამისთვის საჭიროა თამაშის წესების სწავლაც იმ ხალხის, სადაც მისვლას აპირებ. მე არ ვიცი, როგორ დამთავრდება ეს ამბავი, მაგრამ ცხადი იყო პარტნიორების სურვილი, ამიტომ ყველაფერს გავაკეთებ, რა რეკომენდაციებიც იქნება პარტნიორებისგან ის შევასრულოთ, თუნდაც, ამისთვის საჭირო გახდეს ჩვენთვის უაზრო კანონების მხარდაჭერაც და გვინდა ამ თემაზე მთელი პასუხისმგებლობა დავაკისროთ „ქართულ ოცნებას“ და მგონია, რომ თუ რაიმეზე უნდა მოილაპარაკოს ბორელმა და დასავლეთმა ეს არის „ქართული ოცნება“, რადგან სხვა ყველას სურვილი აქვს კანდიდატის სტატუსი მივიღოთ, მაგრამ „ქართული ოცნების“ რიტორიკა არ არის ადეკვატური იმ პოზიციით რა პოზიციითაც ჩვენ ევროპელებთან ვმოძრაობთ”, - განაცხადა ხვიჩიამ.

interpressnews.ge