ცოტა ხნის წინ ალა პუგაჩოვა ისრაელიდან რუსეთში დაბრუნდა. მიზეზი რუსი დიზაინერის, ვალენტინ იუდაშკინის გარდაცვალება გახდა, რომელიც ალას დიდი ხნის მეგობარი იყო. რუსული მედია წერს, რომ სამძიმარზე ის პირადად შეხვდა ვლადიმერ პუტინის პრესსპიკერს, პესკოვს, რომელმაც ალას ხელზეც კი აკოცა.

ამ ფაქტს უკვე გამოეხმაურა კრემლის პროპაგანდისტი ჟურნალისტი მარგარიტა სიმონიანი: „თუ ამ არარაობას რუსეთში დარჩენის უფლებას მისცემენ, რომ აქ მოაწყოს ის ქაოსი, რასაც წლებია აკეთებს, მე ქვეყნიდან წავალ. ეს იქნება შეურაცხყოფა, რასაც ვერ გადავიტან“ – წერს სიმონიანი.