ჩვენ არ ვესხმით თავს პუტინს ან მოსკოვს, ჩვენ ჩვენს ტერიტორიაზე ვიბრძვით, – ასე გამოეხმაურა უკრაინის პრეზიდენტი ვოლოდიმირ ზელენსკი რუსეთის პრეზიდენტის ადმინისტრაციის განცხადებას, რომლის თანახმადაც უკრაინამ კრემლზე დრონებით თავდასხმა სცადა.

ამის შესახებ ზელენსკიმ ჰელსინკიში ჩრდილოეთ ევროპის ქვეყნების ლიდერებთან ერთობლივ ბრიფინგზე განაცხადა.

„ჩვენ არ ვესხმით თავს არც პუტინს, არც მოსკოვს, ჩვენ ჩვენს ტერიტორიაზე ვიბრძვით, ვიცავთ ჩვენს სოფლებსა და ქალაქებს. ჩვენ იარაღი ამისთვისაც არ გვყოფნის, ამიტომ ჩვენ არ დავსხმივართ თავს პუტინს, ჩვენ მას ტრიბუნალს დავუტოვებთ“, – განაცხადა ზელენსკიმ.

რუსეთის პრეზიდენტის ადმინისტრაციაში განაცხადეს, რომ კიევმა ღამით უპილოტო საფრენი აპარატებით კრემლზე დარტყმის განხორციელება სცადა.