დარწმუნებული ვარ, მოვა დრო, როცა საქართველოსთან ერთად დავსხდებით მოლაპარაკებების მაგიდასთან, რათა ჩვენი სახელმწიფოების საზღვრები დავადგინოთ, - ეს განცხადება ოკუპირებული ე.წ. სამხრეთ ოსეთის დე ფაქტო პრეზიდენტმა ალან გაგლოევმა დღეს გამართულ პრესკონფერენციაზე განაცხადა.

მან მადლობა გადაუხადა დე ფაქტო პარლამენტის კომისიას, რომელიც „საზღვრის დემარკაციასა და დელიმიტაციაზე“ მუშაობს. გაგლოევის განცხადებით, უკვე საჭიროა სპეციალისტების პოვნა, რომლებიც შეკრებილ მასალებზე დაყრდნობით რუკას შეადგენენ.

გაგლოევმა აღნიშნა, რომ ამჟამად „საზღვრის დადგენაზე სამხრეთ ოსეთი ცალმხრივად მუშაობს“.

„მე დარწმუნებული ვარ, რომ მოვა დრო, როცა საქართველოსთან ერთად დავსხდებით მოლაპარაკებების მაგიდასთან, რათა ჩვენი სახელმწიფოების საზღვრები დავადგინოთ“, - განაცხადა დე ფაქტო პრეზიდენტმა.