უკრაინაში რუსეთის შეჭრის შედეგად სიღარიბის ზღვარს მიღმა კიდევ 8 მილიონი უკრაინელი აღმოჩნდა, თუმცა ეს რიცხვი კიდევ უფრო გაიზრდებოდა, უკრაინას ომამდე რეფორმები რომ არ განეხორციელებინა. ამის შესახებ „ინტერფაქს-უკრაინასთან“ ინტერვიუში აღმოსავლეთ ევროპის ქვეყნების საკითხებში მსოფლიო ბანკის რეგიონულმა დირექტორმა, არუპ ბანერჯიმ განაცხადა.

„რუსეთის შეჭრა უკრაინაში - ეს არის ტრაგედია, რომელსაც სერიოზული ადამიანური და ეკონომიკური შედეგები მოჰყვა. ჩვენი მონაცემებით, ომამდელ პერიოდთან შედარებით, სიღარიბის ზღვარს მიღმა კიდევ 8 მილიონი უკრაინელი აღმოჩნდა. სიღარიბესთან ბრძოლის კუთხით ქვეყანამ 15 წლით უკან დაიხია“, - აცხადებს არუპ ბანერჯი.

ამასთანავე, მისი განცხადებით, უკრაინელებმა და მთელმა ქვეყანამ გამოავლინეს წარმოუდგენელი სიმტკიცე, რაც, დიდწილად, აიხსნება მაკროეკონომიკური მართვისა და ინსტიტუტების განვითარების სფეროში გატარებული რეფორმებით, რომელიც ქვეყანამ ომამდე გაატარა.

imedinews.ge