ბრალდებული სოსო გოგაშვილი არის აგონიაში და მორიგ ჯერზე ყოველგვარი არგუმენტაციის გარეშე აკეთებს კონკრეტულ რაღაც განცხადებებს _ ამის შესახებ საპარლამენტო უმრავლესობის წევრმა გივი მიქანაძემ აღნიშნა, რითაც გამოეხმაურა, სუსის უფროსის ყოფილი მოადგილის სოსო გოგაშვილის მიერ გარცელებულ განცხადებებს.

“სოსო გოგაშვილი რამდენ მორიგ უსაფუძვლო, უარგუმენტო, ყოველგვარ მტკიცებულების გარეშე განცხადებას გააკეთებს, ეს ვერანაირად იქნება საფუძველი იმისა, რომ ყველა ჯერზე, ის პირი ვისაც დაასახელებს, აუცილებლად გამოკითხვაზე უნდა იყოს მისასვლელი. ჩვენ ვხედავთ, რომ ის არის აგონიაში და მორიგ ჯერზე ყოველგვარი არგუმენტაციის გარეშე აკეთებს კონკრეტულ რაღაც განცხადებებს და ახლა შეეცადა, რომ ვექტორი ვახტანგ გომელაურისკენ გადაესროლა. არგუმენტის, ყოველგვარ მტკიცებულებების გარეშე გაკეთებულ განცხადებაზე, თუ კი ყველას მოუწია ჩვენების მიცემა, დამერწმუნეთ, რომ საქმის კეთებისთვის დრო საერთოდ არ დარჩება” _ განაცხადა გივი მიქანაძემ.


ipress.ge