სომხეთში 17 და 18 აგვისტოს გლოვა გამოცხადდა სავაჭრო ცენტრ „სურმალუში“ მომხდარი აფეთქების და ხანძრის გამო, რასაც მსხვერპლი მოჰყვა. ბოლო ინფორმაციით, დაღუპულია 16 ადამიანი. ამის შესახებ „ეხო კავკაზა“ იუწყება.

გლოვის დღეები სომხეთის პრემიერ-მინისტრის, ნიკოლ ფაშინიანის განკარგულების საფუძველზე დაწესდა. უგზო-უკვლოდ დაკარგულად ორი ადამიანი ითვლება. 60 ადამიანი დაშავდა, მათ შორის 7-ს მკურნალობა ამ დრომდე უტარდება.

მანამდე გავრცელდა ინფორმაცია, რომ უგზო-უკვლოდ დაკარგულთა შორის რუსეთის და ირანის მოქალაქეები აღარ არიან - ერთ-ერთი მათგანი საქართველოში იმყოფებოდა, ხოლო მეორემ ოპერაცია გადაიტანა და სომხეთის ერთ-ერთ საავადმყოფოში მკურნალობს.