ნატოს გენერალურმა მდივანმა იენს სტოლტენბერგმა კვირას განაცხადა, რომ რუსეთმა, უკრაინაში შეჭრის შემდეგ შესაძლოა ქიმიური იარაღი გამოიყენოს და რომ ასეთი ნაბიჯი იქნება ომის დანაშაული, ნათქვამია გერმანულ გაზეთ Welt am Sonntag-თან ინტერვიუში.

“ბოლო დღეებში ჩვენ მოვისმინეთ აბსურდული განცხადებები ქიმიური და ბიოლოგიური იარაღის ლაბორატორიების შესახებ”, – ციტირებს სტოლტენბერგს Welt am Sonntag და დასძენს, რომ კრემლი იგონებს ცრუ საბაბებს იმის გასამართლებლად, რაც არ შეიძლება იყოს გამართლებული.

“ახლა, როდესაც ეს ცრუ განცხადებები გაკეთდა, ჩვენ უნდა ვიყოთ ყურადღებით, რადგან სავსებით შესაძლებელია, რომ თავად რუსეთმა დაგეგმოს ქიმიური იარაღის ოპერაცია. ეს იქნება ომის დანაშაული”, – განაცხადა სტოლტენბერგმა.

მან დასძინა, რომ მიუხედავად იმისა, რომ უკრაინელი ხალხი გაბედულად ეწინააღმდეგებოდა რუსეთის შეჭრას, უახლოეს დღეებში, სავარაუდოდ, კიდევ უფრო დიდი სირთულეები ელით მათ.