„სამარცხვინო ხალხი ხართ, სამარცხვინო! თავმოყვარეობის ნატამალი რომ გაგაჩნდეთ მაგ არხზე ვინმეს, ერთი წამი არ გაჩერდებოდით!“ - ასე ეხმიანება საჯარო მმართველობის დოქტორი თამთა მეგრელიშვილი პარტია „პატრიოტთა ალიანსის“ ლიდერის ირმა ინაშვილის განცხადებას საქართველოს ნატოში გაწევრიანების პერსპექტივასთან დაკავშირებით.როგორც მეგრელიშვილი წერს, ბადრი ჯაფარიძემ პრორუს ირმა ინაშვილს დახმარება სთხოვა არჩევნებში. სამაგიეროდ, ტვ პირველის კარი გაუხსნა ღიად.

„ბადრი ჯაფარიძემ პრორუს ირმა ინაშვილს დახმარება სთხოვა არჩევნებში. სამაგიეროდ, ტვ პირველის კარი გაუხსნა ღიად და აი ახლა, ამ წუთებში ზის და ღაღადებს, რომ ვერასოდეს ნატოში ვერ შევალთ... სამარცხვინო ხალხი ხართ, სამარცხვინო! თავმოყვარეობის ნატამალი რომ გაგაჩნდეთ მაგ არხზე ვინმეს, ერთი წამი არ გაჩერდებოდით!“ - წერს მეგრელიშვილი facebook-ზე.

ცნობისთვის, „პატრიოტთა ალიანსის“ ერთ-ერთმა ლიდერმა ირმა ინაშვილმა 53 პარტიისა და არასამთავრობო ორგანიზაციის მიერ რუსეთის პრეზიდენტის ვლადიმერ პუტინისთვის გაგზავნილ ღია წერილზე ისაუბრა, სადაც აღნიშნულია, რომ საქართველო ნატოში არ უნდა შევიდეს.