„უახლოეს პერიოდში 8-დღიანი იზოლაციის ვადას შევამცირებთ“, - ამის შესახებ იმუნიზაციის მრჩეველთა ეროვნული ტექნიკური ჯგუფის ხელმძღვანელმა ივანე ჩხაიძემ „იმედის“ ეთერში განაცხადა.
როგორც ჩხაიძე აღნიშნავს, ქვეყანაში კადრების მწვავე დეფიციტია.

„თუ გავითვალისწინებთ, რომ „ომიკრონის“ გადამდებლობა არ გრძელდება 12 და 15 დღე, ისევე როგორც ეს იყო ჩინური ვარიანტის და დელტას შემთხვევაში, შანსი იმისა, რომ ქვეყანამ გაითვალისწინოს ძალიან მნიშვნელოვანი გამოცდილება, რაც დაგროვდა აშშ-ში, ევროპაში და შევამციროთ ჩვენთანაც იზოლაციის ვადა, არის ძალიან დიდი.

ამიტომ ვფიქრობთ, რომ უახლოეს პერიოდში ჩვენ 8-დღიან იზოლაციის ვადას შევამცირებთ, რაც მოგვცემს შესაძლებლობას სამედიცინო პერსონალი და ასევე, სხვა სერვისების თანამშრომლები ადრე დაუბრუნდნენ სამუშაო ადგილს. რაც გარკვეულწილად დაგვიცავს კადრების მწვავე დეფიციტისგან, რომელიც ახლა ქვეყანაში აღინიშნება“, - აცხადებს ივანე ჩხაიძე.