ექსპერტი თორნიკე შარაშენიძე მიიჩნევს, რომ საქართველო უკრაინასთან შერცხვენილი არაა და ფაქტი, რომ რადაში სხვა ქვეყნების დროშებთან ერთად საქართველოს დროშა არ გაუშლიათ, სასირცხვილო არ არის. მისი თქმით, რადაში აფრიალდა იმ ქვეყნის დროშები, რომლებიც ნატოს წევრები არიან.
„რადაში სხვა ქვეყნის დროშებიც არ იყო, მაგრამ ამ ქვეყნებში არ აუგორებიათ „მრცხვენია“ კამპანია. არ მგონია, რომ უკრაინასთან შერცხვენილები ვიყოთ, უამრავი ქართველი დაიღუპა დონბასში, ქართველები დაიღუპნენ მაიდანზე, ახლაც არიან იქ მოხალისეები წასული. 3,5 მილიონიანი ქვეყანა აკეთებს რაღაცას ხო, მით უმეტეს უკრაინა არის 45 მილიონიანი. ქვეყნები, რომლის დროშებიც ააფრიალეს, ნატო-ს წევრები არიან. მაგალითად, პოლონეთი არის ნატო-ს და ევროკავშირის წევრი, ამერიკული ბაზა უდგას ტერიტორიაზე და არა რუსული, განსხვავებით ჩვენგან. ამაშია საქმე, ასე პირდაპირ ვერ ვუგზავნით სამხედრო დახმარებას, მაგრამ მოხალისეები ჩადიან. ჩვენ ხო არ ვართ პოლონეთის მდგომარეობაში, უარეს დღეში ვართ, რუსული ბაზა 40 კილომეტრში არც ერთ სახელმწიფოს არ უდგას“- განაცხადა შარაშენიძემ „TV პირველის“ ეთერში.