სააკაშვილი ერთადერთი ლიდერი ჰყავთ, ვინც ინგლისური იცის, რამდენადაც ვიცი, ცოტა ფრანგულიც. ერთადერთი ლიდერი ჰყავთ, ვისაც იცნობენ, მელიას მიერ მისი ჩანაცვლება, შედეგის მომტანი არ არის, - ამის შესახებ პარლამენტის პირველმა ვიცე-სპიკერმა გია ვოლსკიმ „პალიტრანიუსის“ ეთერში, გადაცემა „360 გრადუში“ საქართველოს მესამე პრეზიდენტ, მიხეილ სააკაშვილზე საუბრისას განაცხადა.

გია ვოლსკიმ, მიხეილ სააკაშვილის გეგმებზეც ისაუბრა. როგორც ის განმარტავს, მიხეილ სააკაშვილის გეგმა იყო რევოლუციური პროცესის დაწყება, მის გარშემო აჟიოტაჟის შექმნა და შიმშილობის შედეგად კერძო კლინიკაში გადაყვანა.

„სააკაშვილმა გადაწყვიტა ჩამოსულიყო და რაღაც მომენტში, როდესაც არჩევნების შემდეგ ეგზიტპოლები გამოცხადდებოდა, „ნაციონალური მოძრაობის“ გამარჯვება, ქუჩაში გამოსულიყო და 2003 წლის 23 ნოემბერი გაემეორებინა, რომ ჩვენ გამარჯვებულები ვართ და „ქართული ოცნება“ ამას გვიმალავს.

სააკაშვილი ერთადერთი ლიდერი ჰყავთ, ვინც ინგლისური იცის, ცოტა ფრანგულიც რამდენადაც ვიცი. ერთადერთი ლიდერი ჰყავთ, ვისაც იცნობენ. მელიას მიერ მისი ჩანაცვლება შედეგის მომტანი არ არის. ეს ჯგუფი ძალაუნებურად დაეექვემდებარა მის ამ გეგმას, რომ გამოვა, ესენი გარშემო შემოესევიან და დაიწყება რევოლუციური პროცესი.

დარწმუნებული ვარ, ბევრი ხვდება, რომ ეს არამარტო უტოპიაა, ის გიჟური პროექტია, რომელიც მხოლოდ გიჟი ადამიანის თავში შეიძლება მოიხარშოს. ადამიანი, რომელსაც ჰგონია რომ ჯორჯ ვაშინგტონია, ადამიანი რომელსაც გონია, რომ რეგიონალური ლიდერია, გონია, რომ საქართველოში კულტურა მან შემოიატანა, ეს მისი სიტყვების გამეორებაა, ამ ადამიანის გარშემო ნებით თუ უნებლიედ უნდა შეიკრიბონ და ეს პროცესი განვითარდეს, ვერ განვითარდა. გეგმა „ბე“ არის ის, რომ მასთან ჩამოდის ცოლი, შვილები, ცოლად წოდებული, კიდევ ვიღაც და მის გარშემო აჟიოტაჟი შეიქმნება, რომელიც მას ოლიმპზე აიყვანს. მესამე მიმართულება არის ის, რომ იგი შიმშილობს, ცუდად არის, გადაიყვანონ საავადმყოფოში, უმჯობესია კერძოში, ვიდრე ციხეში და ასევე მოხდება რევოლუციური პროცესების განვითარება. დიახ, ასე აპირებდნენ ამის გაკეთებას.“,- აღნიშნავს ვოლსკი.