"ხდება მოსამართლეების დემონიზაცია", - ამის შესახებ უზენაესი სასამართლოს თავმჯდომარემ ნინო ქადაგიძემ ჟურნალისტებთან თქვა. ქადაგიძის თქმით, საზოგადოების დიდი ნაწილი სასამართლოს ენდობა და სისტემას სერიოზული პროგრესი აქვს

ხდება მოსამართლეების დემონიზაცია და ეს გადის თითოეული მოსამართლის ინდივიდუალურ ღირსებაზე. ბოლო კვლევებმა ასევე აჩვენა, რომ საზოგადოების დიდი ნაწილი სასამართლოს ენდობა, სასამართლოს სერიოზული პროგრესი, მიღწევები აქვს.

ჩვენ არ გვქონდა რაიმე საკანონმდებლო მექანიზმი, ჩამკეტი ბერკეტი, რომელიც ამ პროცესებს შეაჩერებდა. ახლა უკვე ბურთი პარლამენტის მოედანზე, პოლიტიკოსები პარლამენტში არიან უკვე შემდეგი მათი დამოკიდებულება არა სამართლებრივი, არამედ პოლიტიკური გადაწყვეტილებაა.შესაძლებელია სასამართლოში სხვა მოსაზრებებია, მართლა ხდება რაღაც ჩვენს მიღმა, რასაც ჩვენ ვერ ვხვდებით. ცოტა ძნელია ზედა, თავმჯდომარის გადმოსახედიდან პრობლემები დაინახო, მაგრამ თუ რომელიმე კოლეგას რაღაც განსხვავებული მოსაზრება ექნება, ეს ჩემთვის ძალიან მნიშვნელოვანი იყო, რომ ეს საჯაროდ მომესმინა. საბედნიეროდ, ასეთი მოსაზრებები არ არის“, - თქვა ნინო ქადაგიძემ.