მიმდინარე წელი, მონიკა ბელუჩისა და ვენსან კასელის 16 წლის ქალიშვილისთვის, დევა კასელისთვის საოცრად წარმატებული გამოდგა. დევამ არაერთ ფოტოსესიაში მიიღო მონაწილოება და დედის მსგავსად, „დოლჩე და გაბანას“ სახეც გახდა.

ახლა კი გოგონა სამოდელო ინდუსტრიაში მორიგ, წარმატებულ ნაბიჯებს დგამს. 16 წლის დევა ჟურნალის გარეკანზე პირველად მოხვდა. მან ფრანგული Elle-ს შემოდგომის ნომერი დაამშვენა. შავი პერანაგი თეთრი კოპლებით, კორსეტი და ასევე, ხავერდის კლასიკური კაბა – მან „დოლჩე და გაბანას“ საოცრად ელეგანტური „ლუქი“ მოირგო.