ქართული ნაციონალური ბალეტი "სუხიშვილები" ახალ საკონცერტო პროგრამას იწყებს. ვინაიდან ეს წელი ანსამბლის 75 წლის და ნინო რამიშვილის დაბადებიდან 110 წლის იუბილეს ეძღვნება, ამიტომ პროგრამა სრულად მოიცავს სუხიშვილების როგორც ტრადიციულ, ასევე თანამედროვე ქორეოგრაფიულ დადგმებს. კონცერტების ციკლი ნაფეტვრებში, სუხიშვილების ახალ ღია სივრცეში, 2 სექტემბრიდან დაიწყება და ყოველდღე მაყურებელს მისთვის საინტერესო ქორეოგრაფიული წარმოდგენები დახვდება.