თბილისში, ინფექციურ საავადმყოფოში, ბოქსირებულ განყოფილებაში ჩინეთის ქალაქ გუანჯოუდან დაბრუნებული ახალგაზრდა კაცი მოათავსეს.

როგორც  ინფექციურ საავადმყოფოში განცხადეს, არსებული სიმპტომები რაც კაცს აღენიშნება, არ ნიშნავს იმას, რომ კორონავირუსით არის დაინფიცირებული.

"მისი ჯანმრთელობის მდგომარეობა ნორმალურია. არ საჭიროებს რაიმე მკურნალობას, დაახლოებით 1 საათის წინ თბილისის საერთაშორისო აეროპორტიდან სასწრაფო დახმარების ბრიგადამ გადმოიყვანა ბოქსირებულ განყოფილებაში. დაფიქსირდა ტემპერატურა 37,3. არსებული სტანდარტების და პროტოკოლის თანახმად, ვინაიდან მგზავრი, ჩინეთიდან საქართველოს მიმართულებით მოდიოდა, აუციელებლი გახდა მისი ჰოსპიტალიზაცია. თუმცა არსებული სიმპტომები, რაც კაცს აღენიშნება, არ მიუთითებს იმას, რომ შესაძლოა იყოს კორონავირუსით დაინფიცირებული. პრევენციის მიზნით გადაყვანილ იქნა საავადმყოფოში. მას ჩაუტარდა დამატებითი გამოკვლევები, სავარაუდოდ დილისთვის სახლში გაეწერება", - აცხადებენ ინფექციურ საავადმყოფოში.