ქართულ საზოგადოებას აქვს ძალიან ნათელი დამოკიდებულება და პოზიცია ამ პერსონის მიმართ, მისი წარსულის მიმართ და ყველაფრის მიმართ, სადაც ეს ადამიანი იყო გარეული, - ეს განცხადება, თავდაცვის ყოფილი მინისტრის დავით კეზერაშვილის შესახებ დასმული კითხვის საპასუხოდ პრემიერ-მინისტრმა მამუკა ბახტაძემ გააკეთა. მისი თქმით, დავით კეზერაშვილის განცხადება ახალი მედიაპლატფორმის შექმნის შესახებ პრემიერის მხრიდან ზედმეტ შეფასებებს არ საჭიროებს.

"რაც შეეხება ბატონ კეზერაშვილს და მის რეპუტაციას, მის წარსულს თუ რითი იყო დაკავებული, როგორ წარმოგვიდგინა შემდეგ "ნაციონალური მოძრაობის" რეჟიმმა კეზერაშვილი, როგორც წარმატებული ბიზნესმენის სახე - მე ვფიქრობ ზედმეტ შეფასებას ჩემი მხრიდან არ საჭიროებს. ქართულ საზოგადოებას აქვს ძალიან ნათელი დამოკიდებულება და პოზიცია ამ პერსონის მიმართ, მისი წარსულის მიმართ და ყველაფრის მიმართ, სადაც ეს ადამიანი იყო გარეული", - დასძინა მამუკა ბახტაძემ.

შეგახსენებთ, თავდაცვის ყოფილმა მინისტრმა დავით კეზერაშვილმა განაცხადა, რომ ახალ სატელევიზიო პლატფორმას აფუძნებს.