არაოფიციალური ინფორმაციით, თუშეთში ავტოსაგზაო შემთხვევის შედეგად 5 ადამიანი გარდაიცვალა, მათ შორის ერთი არასრულწლოვანია.
სამაშველო ღონისძიება ამ დრომდე მიმდინარეობს.
შეგახსენებთ, რომ თუშეთში, ავტოსაგზაო შემთხვევა დღეს მოხდა, რა დროსაც ომალოს მიმართულებით მოძრავი მიკროავტობუსი ხევში გადავარდა. არსებული ინფორმაციით, მიკროავტობუსში 12 ადამიანი იმყოფებოდა. შსს-ს ინფორმაცით, სამაშველო ღონისძიებაში ჩართული იყო სასაზღვრო პოლიციის ვერტმფრენი. თბილისიდან, ასევე გაემგზავრნენ დამატებითი სამაშველო ჯგუფები და სამედიცინო პერსონალი.
ავტოსაგზაო შემთხვევის დროს დაშავებული ერთ-ერთი პირი თელავის რეფერალურ საავადმყოფოში მოათავსეს. დაშავებული 40 წლამდე მამაკაცია.