სულაც არ გამიკვირდება, რომ ოთარ ფარცხალაძის ინტერესები გარკვეულწილად უზენაესი სასამართლოს მოსამართლეთა კანდიდატთა კანდიდატთა სიაში იყოს გამოსახული, - ამის შესახებ იურისტმა ლია მუხაშავრიამ "ინტერპრესნიუსს" განუცხადა.
"ჩვენ ხომ მივეჩვიეთ იმ აზრს, რომ ვიღაცეები არ არიან ოფიციალურად, ფორმალურად თანამდებობებზე, მაგრამ არიან რეალური გადაწყვეტილების მიმღებნი. თუ წარმოვიდგენთ ამ სქემას, რომელშიც ბიძინა ივანიშვილი მთლად სათავეში დგას და შემდგომ ქვემოთ არიან ასეთივე ტიპები, ოღონდ შედარებით დაბალ დონეზე, ცხადია, ფარცხალაძეს, რომელიც აკონტროლებს საგამოძიებო ორგანოებსა და პროკურატურას, ალბათ, ექნება სურვილი და შეიძლება შესაძლებლობაც აქვს გააკონტროლოს სასამართლო ხელისუფლება. იმიტომ, რომ გამოძიების საბოლოო პროდუქტი შემდეგ სასამართლოში მიდის. ამიტომ, სულაც არ გამიკვირდება, რომ მისი ინტერესები გარკვეულწილად კანდიდატთა სიაშია გამოსახული, უბრალოდ, ვნახოთ, ვინ დაინიშნება და შემდგომ როგორ წარიმართება კომუნიკაცია ფარცხალაძესა და დანიშნულ პირებს შორის," - განმარტა ლია მუხაშავრიამ.
შეგახსენებთ, რომ უზენაესი სასამართლოს მოსამართლეობის მსურველებს შორის გენერალური პროკურორი შალვა თადუმაძე და მისი პირველი მოადგილე მამუკა ვასაძეც არიან. ამასთან, მედიით არაერთხელ გავრცელებულა ინფორმაცია, რომ მამუკა ვასაძე ოთარ ფარცხალაძესთან დაკავშირებული ფიგურაა.