"ამ ადგილიდან რამდენიმე კილომეტრში იწყება ჩვენი ყველაზე დიდი ტკივილი, ულამაზესი აფხაზეთი," - ამის შესახებ პრემიერ-მინისტრმა მამუკა ბახტაძემ ზუგდიდში საარჩევნო კამპანიის გახსნაზე სიტყვით გამოსვლისას განაცხადა. მთავრობის მეთაურის თქმით, ზუგდიდი ყოველთვის იყო ერთგულების და პატრიოტიზმის სიმბოლო.
"თქვენი ულამაზესი ქალაქი და ეს ულამაზესი კუთხე ყოველთვის, ყველასთვის იყო სამშობლოს სიყვარულის, პატრიოტიზმის და ერთგულების მაგალითის მიმცემი. ამ ადგილიდან რამდენიმე კილომეტრში იწყება ჩვენი ყველაზე დიდი ტკივილი, ულამაზესი აფხაზეთი. დარწმუნებული ვარ აუცილებლად დადგება დღე, როდესაც ჩვენი ერთსულოვნებით შევძლებთ ჩვენს აფხაზ მოქალაქეებთან ერთად ერთიანი და ძლიერი საქართველოს შექმნას," - განაცხადა პრემიერმა.