თელავის მუნიციპალიტეტის სოფელ ბუშეტის საბავშვო ბაღში მოწამლული ბავშვების რაოდენობა გაიზარდა და 20-ს მიაღწია.
ბავშვები თელავის რეფერალურ და ბავშვთა სავადმყოფოებში ინტოქსიკაციის დიაგნოზით არიან მოთავსებული. აქედან 13 ბავშვი მოთავსებულია ბავშვთა საავადმყოფოში.

ბავშვთა საავადმყოფოს ექიმის თქმით, 13 პაციენტებს გაეწია სამედიცინო დახმარება და ყველა მათგანი საავადმყოფოში რჩება.

"ცამეტივე პაციენტს აღენიშნება ერთი და იგივე ჩივილები. წინასწარი დიაგნოზი დაუზუსტებელ საკვებში არსებული სხვა მავნე ნივთიერებების ტოქსიური ეფექტია. ამ ეტაპზე ყველა მათგანი რჩება სტაციონარში ექიმების მეთვალყურეობის ქვეშ", - განაცხადა ინფექციონისტმა ლალი ჯიქურაშვილმ

თავდაპირველად ცნობა, 10 აღსაზრდელის მოწამლაზე გავრცელდა. კონკრეტულად რა გახდა ბავშვების ინტოქსიკაციის მიზეზი, ჯერ უცნობია. სპეციალისტები არ გამორიცხავენ, რომ ამის მიზეზი სასმელი წყალია.

ბაგა-ბაღების გაერთიანების ხელმძღვანელი თინათინ ხანჯალიაშვილი პროდუქტით ბავშვების მოწამვლას გამორიცხავს და ამბობს, რომ ბაღში სურსათი ვარგისია.

სურსათის ეროვნული სააგენტოს წარმომადგენლებმა უკვე შეამოწმეს ბაღში შეტანილი საკვები პროდუქტები და ასევე სოფლის მეურნეობის ლაბორატორიაში წყლის სინჯები გააგზავნეს. საბავშვო ბაღი სამი დღით დაიხურა.