25 ნოემბერს, რეაბილიტერბული მედიცინის მუზეუმი გაიხსნა. (მისამართი: თბილისი, დიმიტრი უზნაძის ქ. 51) ღონისძიებას საქართველოს განათლების, მეცნიერების, კულტურისა და სპორტის მინისტრის მოადგილე ლევან ხარატიშვილი, შრომის, ჯანმრთელობისა და სოციალური დაცვის მინისტრის პირველი მოადგილე ზაზა ბოხუა, საქართველოს პარლამენტის განათლების, მეცნიერებისა და კულტურის კომიტეტის თავმჯდომარე მარიამ ჯაში და მუზეუმის დირექტორი რამაზ შენგელია უძღვებოდნენ.



საქართველოს განათლების, მეცნიერების, კულტურისა და სპორტის სამინისტროს მხარდაჭერით, მედიცინის მუზეუმის სარეაბილიტაციო სამუშაოები 2014 წლიდან დაიწყო. 2014-2018 წლებში, სამინისტროს მიერ დაფინანსდა რამდენიმე მიმართულების პროექტი. კონკრეტულად, მუზეუმის ინფრასტრუქტურის მოსაწესრიგებლად 625 607 ლარი გამოიყო - განხორციელდა შენობის სრული რეაბილიტაცია, მოხდა ეზოს აღდგენაც. მუზეუმის რეაბილიტაციის საქმეში დიდი წვლილი შეიტანა ქალაქის მერიამაც.