აკადემიკოს გურამ შარაძის შვილმა რუსუდან შარაძემ მამის მკვლელობის გამოძიების მოთხოვნით აქცია გამართა.
შარაძე მამის მკვლელობის ობიექტურ გამოძიებას ითხოვს და აღნშნავს, რომ მისთვის გურამ შარაძის მკვლელობის საქმის გამოძიება სიკვდილ სიცოცხლის საკითხის ტოლფასია.

"სააკაშვილის მიერ დახვრეტილი მამაჩემის მკვლელები დაიფარა დღევანდელმა სახელმწიფომ, ყოველ შემთხვევაში აქამდე ასე იყო, მაგრამ დიდი იმედი მაქვს, რომ შექმნილი მდგომარერობიდან გამომდინარე მაინც ყველაფერს დაერქმევა თავისი სახელი და ეს მკვლელობა საბოლოოდ გაიხსნება. დღეს არის მთავარი ის რომ მკვლელი სააკაშვილი თავისი მკვლელი ბანდებით და ზონდერ ბრიგადებით ისევ არ დაბრუნდნენ საქართველლოში. ჩემნაირი მხარდამჭერი "ოცნებას" არ ყოლია, მაგრამ რა ვქნა. მამაჩემის გურამ შარაძის მკვლელობის საკითხი არის სიკვდილ-სიცოცხლის საკითხი ჩემთვის", - განაცხადა რუსუდან შარაძემ.

აკადემიკოსი და პარლამენტარი გურამ შარაძე 2007 წლის 20 მაისს თბილისში, მელიქიშვილის გამზირზე მოკლეს. ცეცხლსასროლი იარაღიდან 3-ჯერ ნასროლი ტყვიით მიყენებული ჭრილობების შედეგად შარაძე ადგილზე გარდაიცვალა.

გურამ შარაძის მკვლელობისთვის დაპატიმრებულმა გიორგი ბარათელმა საპატიმრო 2017 წლის სექტემბერში დატოვა.