გვაქვს ინფორმაცია, რომ ოპონენტები დღის მეორე ნახევარში ვითარების დაძაბვას გეგმავენ, - ამის შესახებ ჟურნალისტებს "ქართული ოცნების" ერთ-ერთმა ლიდერმა თამარ ჩუგოშვილმა განუცხადა.
"უბნების ნაწილზე უკვე ისაუბრა ირაკლი კობახიძემ. ესენია: ბოლნისის 27-ე, მე-40, 43-ე და 54-ე უბნები. ასევე გვაქვს ინფორმაცია, რომ ხელვაჩაურში ხდება პირების მობილიზება იმისთვის, რომ საარჩევნო პროცესში გარკვეული დაძაბულობა იქნას შეტანილი. დამკვირვებელ ორგანიზაციებს მოვუწოდებთ, განსაკუთრებული ყურადღება მიაქციონ ჩვენს მიერ დასახელებულ ოლქებს. ვაფრთხილებთ ყველას, ვისაც პროცესში დაძაბულობის, ან კანონდარღვევის შეტანის რაიმე განზრახვა აქვს - მათ მიმართ კანონი გამოყენებული იქნება სრული სიმკაცრით, ნებისმიერ შემთხვევაში, იქნება ეს უბნის ჩაშლის, თუ ფიზიკური დაპირისპირების გამოწვევის მცდელობა. ამიტომ, თავი შეიკავონ ასეთი ქმედებებისგან", - განაცხადა თამარ ჩუგოშვილმა.
მისივე ინფორმაციით, პრეზიდენტობის კანდიდატი სალომე ზურაბიშვილი არჩევნების პირველივე ტურში იმარჯვებს.