თბილისის საკრებულოს კრწანისის მაჟორიტარ დეპუტატს, თემურ გორგაძეს პატიმრობა შეუფარდეს. მოსამართლემ ბრალდების მხარის შუამდგომლობა დააკმაყოფილა.

დაცვის მხარე 15 000-ლარიანი გირაოს სანაცვლოდ გათავისუფლებას ითხოვდა.

თემურ გორგაძე ქრთამის აღების ფაქტზე სუს-ის ანტიკორუფციულმა სააგენტომ დააკავა.

გამოძიებამ დაადგინა, რომ თემურ გორგაძემ მოქალაქეს, ნათესავის შეწყალების კომისიის მეშვეობით პატიმრობიდან გათავისუფლების სანაცვლოდ, ქრთამის სახით მოსთხოვა 7 000 დოლარი. 2018 წლის 28 თებერვალს გამოართვა თანხის ნახევარი - 3 500 დოლარი, რა დროსაც ბრალდებულის სახით დააკავეს.

მას ბრალი თაღლითობის მუხლით წარუდგინეს.