პარლამენტის თავმჯდომარე საზოგადოებრივი მაუწყებლის დაბალ რეიტინგზე საუბრობს:

"ხელი მიკანკალებდა ორივე წელს, როდესაც ბიუჯეტს ვიღებდით, იმიტომ, რომ ვიხდიდით ჯერ 40 მილიონს, შემდეგ 50 მილიონს 1,5-პროცენტიან რეიტინგში. ეს არის სერიოზული პრობლემა. უნდა მივიღოთ რაღაც რადიკალური გადაწყვეტილება. ერთი რადიკალური გადაწყვეტილებაა, თეორიულად ვთქვათ, რომ არ გვინდა საზოგადოებრივი მაუწყებელი, არ სჭირდება ქვეყანას საზოგადოებრივი მაუწყებელი, იმიტომ, რომ 50 მილიონი 1,5 %-ში არ უნდა გადაიხადო. მესმის, 40 % ვერასდროს გახდება რეიტინგი გასაგებ მიზეზთა გამო, იმიტომ, რომ მას სხვა ფუნქცია აქვს და კერძო მაუწყებელს სხვა ფუნქცია აქვს, მაგრამ 50 მილიონი 1,5 % -ში რომ არ უნდა გადაიხადო, ეს არის აქსიომა. ან ხელი უნდა ავიღოთ საზოგადოებრივ მაუწყებელზე და გავაუქმოთ საერთოდ, ან ეს 1,5 %, რომელშიც ვიხდით 50 მილიონს, უნდა გავხადოთ 5, 6, 7 %. ანუ, საუბარია რეიტინგის ზრდაზე რაციონალურ ფარგლებში. არ უნდა გახდეს საზოგადოებრივი მაუწყებელი კერძო მაუწყებლების კონკურენტი თვისებრივი ხარისხით, მაგრამ უნდა იყოს გარკვეული სახით მონაწილე კონკურენციით რაციონალურ ფარგლებში და უნდა ჰქონდეს რაციონალური რეიტინგი. მენეჯმენტი ამბობს, რომ აქვს ამბიციური გეგმები და მიზნები, რომ 1,5 % გახდეს ვთქვათ 7 %. გვეუბნებიან, რომ გეგმის განხორციელებას სჭირდება მათ შორის შიდა რეფორმები, საკონსტიტუციო ცვლილებები და ა. შ. ესაჭიროება საკანონმდებლო ცვლილებაც. მოდიან კონკრეტული გეგმით და გვეუბნებიან, რომ თუ გინდათ 1,5 % გაიზარდოს, მაშინ ამის საშუალება მოგვეცით. არგუმენტი უნდა დავუპირისპიროთ, რომ ეს არ გავაკეთოთ. გვჭირდება მყარი არგუმენტები, რათა უარი ვთქვათ იმ ინიციატივაზე, რომელიც წარმოდგენილია საზოგადოებრივი მაუწყებლის მიერ".

ირაკლი კობახიძის მედიის წარმომადგენლებთან შეხვედრა კამათის ფონზე მიმდინარეობს.