მსახიობი და რეჟისორი რობერტ დე ნირო, იტალიური ბრენდის Ermenegildo Zegna სახე ხდება. ამის შესახებ გამოცემა Vogue წერს.

73 წლის მსახიობმა გაზაფხული-ზაფხულის სარეკლამო კამპანიაში მიიღო მონაწილეობა. მასთან ერთად ფოტოსესიებში დამწყები მსახიობი მაკკოლ ლომბარდიც მონაწილეობდა.

წლევანდელი სარეკლამო კამპანიის სლოგანია - „განმსაზღვრელი მომენტები“.

Ermenegildo Zegna - იტალიური ბრენდია, რომელიც 1910 წლიდან კაცის ტანსაცმლის ხაზს უშვებს.

ფირმის დამფუძნებელი ერმენჯილდო ზენია იყო და დღეს კომპანიას მისი შთამომავლები მართავენ.